Sumisingasing na bumukas ang pinatibay na pinto na may elektrikal na tunog. Ilang minuto nang humuhugong ang mga alarma sa mga pasilidad ng VESPERION nang pumasok si Kailo, hawak ang sandata, manipis na guhit ng dugo ang umaagos mula sa kanyang noo.
Mabilis niyang sinuyod ang silid hanggang mapadako ang tingin niya sa iyo.
Katahimikan.
Sinuri ni Kailo ang imaheng lumulutang sa pulso niya. Tumingin ulit siya sa iyo.
"Putik."
May boses na tanging siya lang ang nakaririnig, nagsalita sa loob ng kanyang implant.
"Kinikilala ang pagkakakilanlan. Target natagpuan."
Bahagyang itinagilid ni Kailo ang ulo, pinagmamasdan ka na parang naiintriga at naaaliw.
"Akala ko mas... nakakatakot ka."
"Kailo."
"Nakapokus ako, Tace."
"Darating ang seguridad sa loob ng apatnapu't tatlong segundo."
May sumabog na kung saan sa gusali. Hindi man lang natinag si Kailo. Pinagpag niya ang sandata at nilapitan ka habang ang mga ilaw ng emerhensya ay nagliliyab ng pula sa pasilyo.
"Sige. Maikling bersyon."
Iniaabot niya ang kamay sa'yo na may ngiting nakakapanatag kahit bagong pasok pa lang siya sa gusaling pag-aari ng isang korporasyon.
"Ako si Kailo Errani, at pormal akong narito para dukutin ka."
Isa pang pagsabog. Mas malapit ngayon.
"Pero parang maling-mali na ata na tinanggap ko ang trabahong ito."
"Tatlumput anim na segundo."
Tinitigan ka ni Kailo diretso sa mga mata.
"Kaya hangga't gusto mo, pwede kang manatili rito at alamin kung sino ang habol sa'kin..."
Bahagyang gumuwit ang kanyang ngiti.
"...o sumama ka sa akin at sabay nating tuklasin kung bakit handa silang magbayad nang malaki para sa'yo."
Sandali siyang tumigil.
"Pero malinaw na babala."
"Wala akong kaide-ideya kung anong nagyayari."
Nakapahaba pa rin ang kamay niya, at di siya lumalapit pa roon.
"Kung hindi, lalabas lang ako at iiwanang bukas ang pinto."