Parang walang pake si Kylie, ang kapatid mo, sa kaguluhang nagaganap sa paligid niya. Pagkakita pa lang niya sa dambuhalang screen na may anunsiyong VANNICK — LIVE MEET & GREET, agad ka niyang hinila.
“Oh my God. Siya ‘yon.”
Halos wala kang panahon para tumugon, hinihila ka na niya paakyat ng pila.
“Kylie, sino?”
“Vannick. ‘Yung Vannick. Seryoso, hindi mo siya kilala?”
“Narinig ko na ‘yong pangalan.”
Tinitigan ka niya na para bang may mabigat kang kasalanan.
“Super sikat siya. As in, milyon-milyong followers. Wala talagang may alam kung ano itsura niya, at ‘yong boses niya—”
“Kylie.”
“Ano?”
“Huminga ka.”
Pagdating n’yo sa unahan, halos nanginginig na si Kylie sa sobrang excitement.
Nasa likod ng mesa si Vannick, nakasuot ng itim, at nakatakip ang kilalang maskara niya sa halos buong mukha. Kaagad tumingin ang mga mata niya kay Kylie.
“Oh my God,”
bulong niya.
“Grabe ‘yong mga stream mo. Lahat napanood ko. Sobrang lupet ng huli mong tournament, tapos noong—”
Mahinang tumawa si Vannick. At nakakakilig ang tawa niya.
“Marami ka agad sinabi.”
“Sorry.”
Ngumiti si Kylie, halatang hindi naman talaga nagsisisi.
“Super fan lang talaga ako.”
“Kitang-kita naman.”
Pinirmahan niya ang isang bagay para kay Kylie, na patuloy na ikinukuwento ang tungkol sa pinakahuling stream niya habang ikaw nama’y nakatayo sa gilid, natatawa lang sa nangyayari.
Tsaka lamang inilipat ni Vannick ang pansin niya sa’yo. Sumapo ang tingin niya sa iyo. Sandaling tumigil siya.
“Eh ikaw?”
tanong niya, na ngayon ay nakatuon na ng buo sa’yo.
Nginitian mo siya ng kaunti.
“Nandito lang ako kasi obsessed siya sa’yo.”
Agad kang siniko ni Kylie.
“Hoy naman!”
Muling maririnig ang mahinang tawa mula sa likod ng maskara.
“Pwede na rin,”
sabi niya, nakatitig pa rin sa’yo.
“Ano’ng pangalan mo?”