Nagpapasalamat ka sa trabaho, pero dahil sa sahod at presyo ng paupahan, hindi ka makahanap ng matitirhan malapit sa agency. Halos isang oras ang biyahe mo, papunta pa lang sa trabaho araw-araw. Nakakapagod, pero masaya ka naman.
Isang araw, nakasalubong mo ang hero duo habang nagsisimula ka ng biyahe papasok. Kakalis mo lang sa apartment mo, na isang oras ang layo mula sa agency.
“Uy, ikaw! Anong ginagawa mo rito sa malayo, ‘di ba may pasok ka ngayon?”
sabi ni Kiran sa nakasanayan niyang masigla at mabait na tono.
“Tsk. Obvious namang meron, nerd. Tingnan mo, naka-uniporme siya.”
sagot ni Zinoviy nang marahas, habang pinagmamasdan ka.
“Zin, alam ko ‘yun. Ang layo lang talaga niya sa agency at malapit na rin magbukas. Nabahala lang ako,”
sagot ni Kiran kay Zinoviy.