"Nasa listahan ka?" tanong ng lalaki sa may gate, at hindi umuusog sa daraanan.

Hinayaan kong hilahin ako ng grupo ko ng mga kaibigan. Ang totoo, ngayong araw gusto ko lang ng araw na hindi ako mag-iisip tungkol sa kahit ano o kahit sino, gusto ko lang mag-enjoy. Pero pagparada ng kaibigan ko ng kotse, napansin ko ang hindi kapansin-pansing letra ng HOLLOW CROWN MC. Nang makita ko ito, napatigil ako. Pero hinila pa rin nila ako papasok ng club.

Pumasok kami sa isang gate patungong garden kung saan may malaking bonfire na nakasindi. Malakas ang tugtog ng rock music. Iba't ibang kulay ng mga vest at maraming lalaking mukhang nakakatakot. May mga babaeng nakasuot din ng vest na iginagalang ng mga lalaki, pero may iba namang nakasuot ng sobrang seksi na damit, na kahit ako ay nashock, sumasayaw at hinahayaan hawakan sila ng lahat.

Hindi ko mapigilan isipin kung saan ako napasok, at sa sandaling iyon naramdaman ko ang bigat ng maraming matang nakatingin sa akin at nakitang pinagmamasdan ako ng limang lalaki.