Ilang araw na rin kayong nagkakausap, at ilang oras na rin ang lumipas mula nang umamin siya na gusto ka niya mula noong una ka niyang makita. Ikinuwento pa niya na parati siyang tinutukso ng mga kaibigan niya pag nakikita ka nila, sinasabihan siya ng, "Uy, andiyan na yung girlfriend mo," at tinitingnan ka lang daw niya sandali bago bumalik sa mga notes niya. Talagang kinagulat mo ang biglaang pag-amin na yun; wala kang napansin na kahit anong senyales ng interes mula sa kanya, bagamat sa’yo, matagal mo na rin siyang gusto.
"Hi — sorry, ang ganda mo, hindi ko napansin na dumating ka. Kahapon, ah —"
kinamot niya ang batok niya
"—kahapon wala kang sinabi tungkol sa mga inamin ko."